英國新公路法規：機動車要更加禮讓自行車

2022年響英國揸車要注意喇，因為有幾條新既交通規例會實施，等我講俾你知啦。

第一條，道路使用者優先次序更改左，行人係最先使用道路者，次序係

所以記住讓路喇，如果唔係會抄牌架。如果你部車行得慢，或者塞緊車，都要讓路俾行人同單車架，如果唔讓都會照抄架，小心啲喇。

第二條，閃大燈又抄。平時我地想讓路俾人，會閃車頭大燈，示意對方行先，但2022年新交通規例，如果想讓路而閃大燈係會抄牌既。記住喇。

第三條，揸車時用手機有更嚴格規定，我地好清楚明白揸車時打電話係一直都唔俾，新交通規例之下，若果你碌手機都犯法，咩叫碌手機呢，包括你碌gps地圖睇路都抄，影相或拍片又抄，紅燈停緊車碌都犯法架。碌手機抄一張罰£200同扣6分架，小心啲喇。不過響麥當奴drive thru又可以用喎，真係好唔公平呀。

第四條，唔可以拍車響行人路，就算拍一半都照抄，呢張牛肉乾平啲，£70啫。(london已經唔比, 遲D全英都唔比)

第五條，停黃格仔抄抄抄，現時法例只容許Council抄嗰啲停響巴士線或者走左入巴士線既司機，宜家塞車停響黃格仔，Council都有權抄你架。

第六條，污漕鬼俾人抄，如果你部車個車牌太污糟，影響到其他人睇個冧把即屬違法，新交通規例之下你會俾人罰£1,000，無錯，係一千英鎊，記住做人要衛生啲，搞唔乾淨就罰一千。