王喜被迷姦後嚇人傷勢曝光 疑遭友人深夜潛入房霸王硬上弓 全身布滿血痕
現年57歲的前TVB藝人王喜，曾經憑《烈火雄心》飾演消防員火速走紅。近年王喜由倫敦移居台灣，經常在個人YouTube頻道「喜來大DD」拍片分享生活日常。近日王喜拍片表示，在台灣兩度遭人迷姦，他近日分別拍攝了兩段影片，講述兩次被迷姦經過，而最新的一段片則是（12日）上載，王喜講述自己第一次被迷姦的過程。
王喜因遺失財物到友人家中暫住
王喜指自己第一次在台灣被迷姦發生於2024年7月15日的清晨時份，他指事發地點位於台灣新竹，他解釋自己本來居於板橋區華崗三路，但在7月5日下午3時多時，王喜本來相約了一位居於新竹的朋友，但在自己大廈樓下發生一件目前未能公開的事，令他的所有財物包括手機，以及可進出大廈單位的磁卡被扣留，因此令他當日無法通知對方自己未能來到，因此他7月15日便身處本來7月5日約了見面的朋友的家中。
王喜：我苦苦掙扎咗好耐
王喜憶述7月14日晚上他在該名朋友的家中過夜，直至7月15日的清晨，他發現自己第一次被迷姦。王喜說：「喺7月15號嘅清晨時份，我突然發現自己又係趴喺度，然後心口好似郁唔到，就嚟窒息咁樣，所以我好驚，於是我就起身，但一起身嘅時候，我就畀我後方定上面嘅外力就按住同控制住，手腳唔畀我， 跟住想轉身扭條腰扭唔到，苦苦掙扎咗好耐 ，有幾耐我唔知，因為我前面又漆黑一片，又係伸手不見五指嘅漆黑，然後亦都唔知過咗幾耐，我又斷咗片。」
王喜指到我醒來時已經是清晨。他說：「到我已經清醒嘅時候我已經喺睡房嘅地板上，即係話我由床碌咗落地下， 睡房裡面又冇其他人，而我亦都唔知自己由床跌落地板跌咗幾耐，或者係幾時跌，我唔知，我淨係知我再有知覺嘅時候呢 ，窗簾啲隙縫已經有光，於是我啲手腳又係唔係好靈活啦，因為有好多嘅地方都好痛，咁我就慢慢咁行返出去客廳到。」
疑迷姦王喜友人若無其事玩手機
王喜指當他走出廳時他見到他的朋友：「佢就若無其事咁繼續玩手機，見到我醒咗之後，佢好似若無其事 好似好平靜咁問我，醒咗喇？我就話，喔！我問佢，幾點啊？佢話差唔多6點啦。」於是王喜便走到客廳的廁所洗澡準備離開，「我沖完涼出返嚟嘅時候，佢已經著好Tee恤、短褲，因為我由房行嚟嘅時候，當然我冇著衫，佢都只係著住條內褲，我以為呢個暗示就係話，喔要結束㗎啦，你都要離開㗎啦。」
王喜指自己的衫褲都放在客廳梳化上，亦即是他的朋友坐的位置旁邊。他說：「咁我咪行過去咪著衫囉，跟住佢又好冷靜又若無其事咁，問我食唔食早餐，跟住我望一望自己身上嘅皮膚，跟住我就話唔好啦，我唔知會唔會食完佢嘅早餐之後突然又斷片，又唔知何年何月何日先會再醒，咁我就話唔好啦我走啦咁樣。」於是他的朋友便送他去佳高鐵回台北。
王喜在片尾公開了自己當日全身傷勢，從他分享的照片可見，王喜全身充滿傷痕，包括胸部、雙手及腳部都佈滿紅色血痕，傷勢極嚴重。
王喜驚爆遭迷姦 疑飲「有料」糖水後斷片遭多人按住
現年57歲的藝人王喜當年憑《烈火雄心》飾演消防員火速走紅。早年王喜由倫敦移居台灣，不時在社交網及YouTube頻道分享生活點滴。今年初他在IG突然自爆患腎衰竭，近日王喜在個人YouTube頻道「喜來大DD」上載影片，自爆在台灣兩度遭人迷姦。他在片中詳細憶述自己去年底第二次疑似被迷姦過程，掀起網民熱議。
王喜於兩男性友人家中「傾偈」
王喜近年移居台灣後，偶然亦會在英國逗留。近日身處英國的他，拍片憶述自己去年年底遭人迷姦的經過，他指事發時間是去年的12月10日凌晨時份。王喜指當時他到了兩個男性朋友家中，與二人討論發生在他身上的「插贓嫁禍事件」，「去到佢哋屋企嘅時候呢，咁佢哋好好啦 就整咗啲消夜，係紅豆沙嚟，咁（我）就先隊為敬啦，咁隊完碗紅豆沙之後，跟住我就斷片喇。」
王喜稱被人按住著他「唔好郁」
王喜指自己喝完紅豆沙後便失去意識，他續說：「再到我有意識嘅時候，我眼前係漆黑一片，感覺上我應該係趴喺度，咁心口因為壓住有啲抖唔到氣，好似呼吸唔到咁樣，所以好驚，跟住喺度掙扎，但一掙扎嘅時候我就發現，我兩隻手，身體同埋下肢全部…」王喜形容當時自己動不了，「我唔知有幾多個人，但起碼我係聽到呢兩個朋友把聲，叫我唔好郁、唔好郁，但佢愈係按住我，愈係壓制住我，我就越驚，因為我抖唔到氣，同埋我睇唔到，因為我眼前一黑，睇唔到嘢。」他指當時有人用力按住他，而他亦作出激烈掙扎，後來再度失去知覺。
王喜：我瞓喺自己大便上
王喜指他再有意識時已經天亮，他指當時房間內的燈全都打開，而他則躺臥在床褥上。他說：「床褥同我嘅臀部之間係有一堆我嘅大便，而大便裡面混雜一啲白色嘅嘢，當我清醒之後，我見到咁嘅狀態，全身一絲不掛加上我瞓喺自己大便上，以我嘅經驗或者我嘅知識話畀我知，我應該係失禁，但我因咩事失禁我又唔知，但我想起身時我發現，我下半身郁唔到，見到我兩個膝頭哥發黑，係瘀黑。」他指當時房內空無一日，他的兩個朋友亦不見蹤影，之後他起來走到房內下層時，「就見到佢哋兩個神色自若地玩手機，（對我）噓寒問暖咁問，醒喇？」
王喜指自己當下沒有作出指控，只是跟他們說：「唔好意思我整污糟咗你張床褥。」其後他的朋友便問他：「喔係咩？」他指其中一人走到上樓上查看並清潔床褥，另一人則在樓下，其後王喜再次表示歉意，向二人表示他賠償一張新床褥並即時網購送到他們家中，其後他便離開。
馮寶寶罕現身撐葉童與黃德斌 花5小時車程抵吉隆坡睇《唔講得》頻呼Enjoy
由葉童和黃德斌主演，改編自上海話劇藝術中心原創舞台劇《不可說》的廣東話版黑色喜劇《唔講得》亞洲巡演第一站，日前於馬來西亞吉隆坡表演藝術中心完成，首站巡演獲得到香港駐雅加達經濟貿易辦事處支持。
馮寶寶暢談舊事
《唔講得》三場吉隆坡演出門票早在數周前售罄，足見當地觀眾對這部舞台劇的期待與劇作本身的吸引力，當地媒體亦對劇內演員表現讃不絕口。現居馬來西亞，久未在香港露面的殿堂級藝人馮寶寶（Bobo姐）也特意花了五個小時車程到吉隆坡，和她多年好友即本劇監製陳善之，以及導演胡恩威和一眾演員茶聚，暢談當年合作的舊事，她更留下來觀看《唔講得》尾場演出。Bobo姐在看過尾場演出後和劇中演員合照留念，她表示：「唔講得，唔講得，因為太多嘢要講啦，好好睇，演員一流啦，我覺得選角葉童係好適合，呢方面陳善之（監製）應記一功，我諗唔到我曾經合作過嘅黃德斌，嗰陣我唔係咁留意到佢，佢今次喺台上面著嗰件西裝，一定係美指將佢打扮到有型有款。一路睇我好enjoy個故事，寫得複雜、迷離，高潮起伏，一路想追看落去，當然導演應記一功，總言之整體嚟講太好睇啦，唔講得啦！」
在完成馬來西亞演出後，《唔講得》舞台劇將於5月15 – 17日，一連三天在廣州大劇院歌劇廳公演，因為觀眾反應熱烈，兩場夜場和一場日場門票也已全部售罄。