英倫銀行8日宣布，未來新版英鎊紙幣將改用英國本土野生動物做主角——斑貓頭鷹（barn owl）、尾黃大黃蜂（buff-tailed bumblebee）、歐洲刺蝟同大西洋海鸚（Atlantic puffin）將登上紙幣！取代英國前首相丘吉爾、著名女作家簡·奧斯汀等歷史人物。
📌 點揀出嚟？
🗳️ 央行今年6月公開諮詢，近50萬人投票——大黃蜂最受歡迎，其次係貓頭鷹同刺蝟
🐦 有趣嘅係，狐狸同翠鳥得票其實多過海鸚，但央行特登揀海鸚，確保有海洋動物代表
💷 更換次序：£5 邱吉爾紙幣（2016年發行）最先被取代，之後係 £10 珍奧斯汀、£20 透納、£50 圖靈；君主肖像會保留
📌 背景：
央行今年3月決定新鈔唔再用歷史名人，當時引發跨黨派政客不滿，有人質疑係為咗避開歷史人物爭議；今次正式拍板，央行話新設計會更具辨識度、更難偽造。
首席出納員 Victoria Cleland 話，近50萬人參與諮詢，證明「現金仍然重要」。不過數據顯示，2024年現金只佔少於10%嘅付款，UK Finance 預計跌幅會逐漸放緩。
