肥媽出院趕及亮相《中年好聲音3》總決賽 臉容略見憔悴
肥媽Maria Cordero日前因確診新冠肺炎而入院，經過多日的治療，肥媽終於出院。大病初癒的肥媽昨日（6日）在YouTube拍片報平安兼講近況：「真係好辛苦， 因為年紀比較大嘅關係， 家人們都比較擔心， 所以我有去醫院度睇過醫生， 睇完就閉關咗係屋企休息。
肥媽曾被瘋傳病情惡化要入ICU
日前肥媽突然在FB貼上身在病房的相片，相中的肥媽一臉病容，神情略見呆滯， 當時肥媽留言：「今朝起身，又咳又唔舒服，而家聲都開唔到。」其後網上瘋傳肥媽病情惡化危殆要入ICU，甚至要叫家人趕赴醫院見面，幸好事件只是虛驚一場，但肥媽都說：「呢次嘅新冠好辛苦好辛苦，我去醫院睇，食咗特效藥，而家第三日都仲係二條線，個頭好痛，發高燒，好辛苦。」
肥媽全家都中招
肥媽昨日（6日）在YouTube拍片報平安兼講近況，她先留言：「我好返喇， 因為今次中咗Covid 真係好辛苦， 因為年紀比較大嘅關係， 家人們都比較擔心， 所以我有去醫院度睇過醫生， 睇完就閉關咗係屋企休息。 跟住到姐姐們又中咗， 呢幾日又要休息， 又要幫手照顧佢哋， 仲要全屋大清潔，太累，所以連日來有不同嘅消息都未能一一回覆， 好多謝大家的問候和祝福。要大家擔心真係好唔好意思，所以喺呢度同大家報個平安，都要提提大家多多留意家中小朋友和老人家， 最近啲病菌實在太犀利， 大家都要好好保重身體，人多嘅地方要戴返口罩。」
肥媽臉容依然有點憔悴
片中所見，大病初癒的肥媽臉容依然有點憔悴，幸好說話中氣十足，她說：「我病咗呢個禮拜，令到大家有好揣測同誤會，真係唔好意思，我今次中招真係好辛苦，又發高燒瞓喺張床直頭起唔到身，答唔到人，之後又頭暈又咳，連我屋企人都中晒，我哋全家人同外界都冇接觸同交流。」肥媽稱直頭前晚終於變「一線」：「引起不必要嘅誤會，真係唔好意思，至於點解話我入ICU，我都唔知點解，可能佢哋喺醫院見到我喇，真係多謝大家關心，不過千祈唔好誤會，我OK㗎。」
肥媽近年身體曾出現不少問題
肥媽近年身體曾出現不少問題，2002年曾患大腸癌，其後更患上子宮肌瘤，最終要切除整個子宮保命。大病過後肥媽注重健康，間中上載做瑜伽的照片，分享做運動的重要性。不過隨着年紀漸長難免有些老人病。去年9月曾因覺得心肌痛，檢查後被醫生建議入院做通波仔手術，當時肥媽說：「我心臟塞呀，有日心肌痛，痛得好緊要，然後就出晒汗，暈呀……度血壓好高，氧氣好低，咁就入嚟喇！而家醫生話要做手術，大家唔好擔心。」幸好手術過後火速復原，平安出院後與好姊妹黑妹（李麗霞）到茶餐廳食下午茶。
古天樂隨《風林火山》團隊參與康城「香港之夜」 金像獎協會正了解造票疑雲 計劃分階段做視網膜手術
古天樂到銅鑼灣為開幕活動擔任嘉賓，活動以懷舊戲院為主題，活動上有粉絲提出簽名，獲古天樂簽名在其白色襯衫背後。古天樂自認是80年代人，戲院會有體重計等，門外則有小販檔，自爆最愛買原條蔗及原條叉燒入場食。活動上他呼籲大家不要放棄香港電影，指全球環境都不好，大家知道環境差但都要堅持，問到是否感吃力？古天樂指：「我性格是越難越要做好佢，避開不會有進步。」
頸患問題已康復
皮膚黝黑的古天樂又指自己好難找到合適粉底，透露以前在東龍島拍戲要戴頭套，拍完會現「黑白印」靠化妝遮，又指自己夏天出汗會變「發霉朱古力」，又指自己依然喜歡曬太陽，但現在因眼睛問題不可以曬。問到視網膜穿窿的情況，他指等時間做手術，計劃會分階段做幾次，他指是近幾個月發生的事，卻被描繪是多年困擾的眼疾。至於頸患問題，他指已接受手術後康復，是早年的事近日再被翻炒。古天樂指眼睛問題，只是出活動怕閃光燈，但平日拍戲沒有影響。
大會正在了解造票疑雲
講到工作，古天樂表示到法國康城出席電影節中的「香港之夜」活動，今次是隨《風林火山》團隊參與，問到主演可會齊人？他表示相信不會，但不知道有誰出席，問到行程，他指由團隊安排。問到金像獎被指出現造票，投票階段時「最佳音響」得獎名單已填寫《九龍城寨之圍城》，古天樂表示已知道大會正在了解當中，問可會覺得電影受事件影響？投票機制有問題？古天樂指自己不是金像獎協會成員，又笑言：「咁投票就係寫上張票度啦！」
中年好聲音3丨明星足球隊成員唔撐趙浚承反睇好另一人
《中年好聲音3登峯之戰》將於5月11日（星期日）晚上7時45分在啟德體藝館舉行，翡翠台將於當晚7時45分起全程直播《中年好聲音3》決賽。《中年好聲音3》七強參賽者包括張與辰、黃博、李金凱、趙浚承、劉洋、占士丁丁及陳芷盈將於當晚展開終極一戰。《中年好聲音3》進入白熱化階段，賽果成為熱話，而日前江美儀、鄧兆尊、吳家樂等在網上節目《娛樂好好玩》亦討論到《中年好聲音3》。
視后江美儀支持黃博奪冠
《娛樂好好玩》主持吳家樂、江美儀及鄧兆尊都是《中年好聲音3》的忠實觀眾，日前他們在《娛樂好好玩》直播時，討論到網傳《中年好聲音3》有內定三甲名單分別為趙浚承、黃博及李金凱，更有傳趙浚承因是明星足球隊成員，又曾與譚詠麟合作，被對方看好而有優勢。吳家樂指：「網傳三甲係趙浚承、黃博同李金凱，就睇下係咪咁囉！」江美儀表示：「我緊係唔想咁啦，我係想黃博攞冠軍。」自爆原來是黃博的Fans。
鄧兆尊支持李金凱
在旁的鄧兆尊點評網傳的內定三甲名單，他表示：「我覺得呢度有一個唔係囉，我一定係用李金凱做膽，拖三隻腳囉，我當佢世界打吡大賽咁睇咋嘛，國際化！全部都頂級……我睇好李金凱。」網民好奇鄧兆尊是否支持同是明星足球隊成員的趙浚承，他表示：「我撐李金凱，雖然佢（趙浚承）係好、係乖、又有恆心、又努力，但我本身係諗李金凱好啲。當然我都希望佢贏啦，臨場表現做好啲，每個人心目中都有競選嘅目標嘅。」江美儀亦再重申一次：「我係支持黃博嘅！」
跟TVB簽約的選手勝算較大？
至於是否如外傳一樣，有跟TVB簽約的選手勝算較大？視后江美儀笑指：「我唔係親生佢都畀咗個獎我，哈哈……」而曾效力TVB的吳家樂直言：「任何一個比賽都好，去到final之前都要簽份合約……其實係未開始比賽前已經簽咗一份，首先要知你有冇經理人先，如果你有就要完咗你個經理人合約或者點樣……因為比賽期間如果你有其他合約綁手綁腳呢，人哋資源擺咗落去，如果要換人都好麻煩，之後先會傾其他合約，可能係個（合約）年期喇！好老實，如果唔簽約，你贏咗個冠軍，走去隔離台……呢個（簽約）係好正常。」吳家樂指選手與電視台簽約，某程度對雙方都有保障，更認為賽果好難「造馬」，始終都要看臨場表現，指如果當晚決賽表現太差都好難內定某位選手勝出，加上《中年好聲音3登峯之戰》有葉蒨文、小豬羅志祥及張智霖加入評審團，吳家樂認為此陣容更難為賽果「造馬」，「咁你話佢哋會唔會同你『造馬』？對佢哋嚟講冇乜着數㗎，如果佢哋畀得唔好，就變相丟佢哋自己架。」指直播可以看到現場觀眾最真實反應。
黃翠如新手媽媽唔易做！自爆有「媽媽手」需戴護腕解痛症
43歲黃翠如和48歲的蕭正楠結婚7年，二人的首個愛情結晶品已經出世，黃翠如於3月卸貨並成功誕下一名男嬰，組成幸福的一家三口。兩公婆有子萬事足，早前黃翠如上載一家三口合照慶祝「蕭哈哈」滿月，並透露小王子的滿月日子撞正父母的7周年結婚紀念日，十分有緣。日前，黃翠如在小紅書上發佈了一段介紹坐月所需用品的影片，當中她透露患上「媽媽手」，手腕拉傷需佩戴護腕受力。
黃翠如產後自爆抱B致「媽媽手」
最近，黃翠如在小紅書上發佈了一段介紹坐月所需用品的影片，並留言：「跟大家分享一下我坐月都準備了些甚麼吧～」影片中可以看到黃翠如先佩戴護腕支撐帶，並說：「我已經有『媽媽手』了，因為我的手一直都沒甚麼力氣，因為是新手媽媽的關係，不會抱寶寶，不會喂寶寶，所以現在已經手腕裡面拉傷了，用護腕綁住，能讓手受力好一點，抱寶寶會好點。」談及產後調養期，黃翠如更透露獨特護理方式，例如為了坐月期間不碰冷水，她從刷牙清潔、用餐進食到如廁衛生都會全程配戴手套，防護措施做到足。影片發佈後有不少網民表示：「好好保重啊，感覺生完講野都唔夠氣啊」、「你真的是最用心分享產後的育兒媽媽」。
