近日網上有傳言話，地球將於今年 8月12日短暫失去重力7秒，期間人類同所有物件會漂浮，之後再墜落，有傳說會導致 全球超過4,000萬人死亡，並稱消息來源係美國航天總署（NASA）內部洩露文件。惡搞消息喺社交網絡瘋傳，引起唔少人擔心。
不過，NASA 官方已正面出聲澄清，上述說法 完全冇科學根據，純屬虛構。NASA 發言人解釋，地球重力係由地球嘅質量決定，唔可能「暫停7秒」。要係咁樣失重，代表地球本身嘅質量（包括地殼、地核、大氣同水）要瞬間消失，情況根本唔可能出現。
謠言當中仲提到一個叫「錨計劃（Project Anchor）」嘅機密計劃，指美國政府投放巨額資金建地下碉堡避難，但NASA 表示，目前喺佢哋任何公開或內部資料庫，都搵唔到呢啲計劃嘅任何紀錄。
NASA 同時指出，8月12日確實會出現重要嘅天文現象 —— 日全食，但呢個同重力冇任何關係，亦唔會對地球造成危險。NASA 提醒市民，如想觀賞日全食，必須使用合規嘅護目鏡 切勿用裸眼直視太陽 以免灼傷眼睛。
