李泳豪與哥哥李泳漢關係決裂，其後演變成家族風波。近日TVB處境劇《愛．回家之開心速遞》宣布即將停播，李泳豪亦面臨失業危機。昨日（20日）他在YouTube個人頻道拍片向大家分享近況，提到之後有機會與鼎爺父子檔合作。
感謝各界支持 正在摸索階段
李泳豪表示經營YouTube頻道仍是摸索階段（圖：豪仔 Greg lee@YouTube）
李泳豪在影片中說：「一直以嚟我好想同網友、朋友、甚至海外網友，說一聲多謝。多謝你哋支持我同我爸爸，我收到嘅。」另外他也表示自己對於經營YouTube仍是摸索階段，過去會分享日常生活及飄移影片，現在處理驗證帳號，會積極尋求朋友協助解決技術問題。」
預告未來有機會與鼎爺父子檔合作
李泳豪透露待鼎爺精神良好時，會考慮開直播跟網民互動。（圖：drift_greg@IG）
之後李泳豪補充：「有網友話會唔會同鼎爺喺YouTube出現，會嘅，一定會嘅！你話煮餸又好買餸又好，甚至聽吓爸爸講故事，我都會拍嘅之後，但係目前要等佢身體好啲先，都係聽佢發落，佢話OK就同佢拍，又或者佢精神狀態再好啲就開直播，大家同佢傾偈問問題。」
樂意跟其他YouTuber做聯播
李泳豪提到樂意跟其他YouTuber合作（圖：drift_greg@IG）
李泳豪稱十分樂意與其他YouTuber做聯播互動：「都想跟一啲做開嘅YouTuber學吓，呢方面真係唔識，一張白紙，你睇我搞account都知，之前未營運到，而家驗證都仲搞緊，睇吓大家有咩意見，或者如果大家想話豪仔我想睇咩片，或者想睇你車、各樣嘢都可以同我講，你可以喺YouTube下面留言，或者IG Facebook message我都得，我會遲咗覆，但係我唔會唔覆。」最後他再次感謝大家對鼎爺的關心和支持，祝願大家身體健康、開開心心。